14 январьыште Марий Оньыжа, Марий Эл Кугыжаныш Погын вуйлатышын алмаштышыже Анатолий Иванов Марий АССР Верховный Совет председатель алмаштыше, паша ветеран, Октябрь Революций да Паша Йошкар Знамя орден-влакын кавалерже Татьяна Павловна Смирнова дене вашлийын. Анатолий Николаевич республикысе кугыжаныш кучемын кӱшыл законодательный органже лӱм дене чолга ӱдырамашым 92 ияш шочмо кечыж дене саламлен, кужу ӱмырым, тазалыкым тыланен …

13 январьыште Марий Элыште Россий печать кечым палемдышт. Журналист-влакым Марий Оньыжа, республикысе Кугыжаныш Погын вуйлатышын алмаштышыже Анатолий Иванов саламлыш. Ик эн ойыртемалтше СМИ пашаеҥ-влаклан Анатолий Николаевич Кугыжаныш Погынын Чап Кагазшым да Тауштымашыжым кучыктыш. Тудо журналист да печать дене кылдалтше кажне еҥлан кугу лектышым, у деч у сеҥымашым, пиалым да тазалыкым тыланыш. Тиде кечын тӱрлӧ конкурсышто …

5 январьыште Мер Каҥашын еҥже Алексей Григорьевич Кудрявцев 60 ияш лӱмгечыжым палемда. Алексей Кудрявцев 1954 ийыште Киров кундем Кикнур район Ертӱр ялыште шочын. 1976 ийыште Вологодск кӱшыл партий школым тунем пытарен, а 1989 ийыште — Кировысо ялозанлык институтым. Кызыт Кикнур районысо администрацийыште ялозанлык пӧлкам вуйлата. 2005-2013 ийлаште Российысе АФУН мер толкынын еҥже лийын. Алексей Григорьевичым …

Пагалыме марий калык! Мер Каҥаш лӱм дене чыландамат алал кумылын шушаш У 2014 ий дене саламлем! Ончыко у ошкылым ыштыме деч ончыч калыкыште ожнысек шеҥгеке савырнен ончалыт. Эртыше ийым ончалаш гын, ятыр кугу паша коеш. Нунын кокла гыч иктыже — Финн-угор калык-влакын V погынышт. Тушто моло финн-угор калык-влак дене пырля марий калыкнан илышыжымат сай могырыш …

2013 ий 13 декабрьыште Морко район Шеҥше селаште тӱвыра пӧрт ончылно Марий облисполкомын икымше председательже Иван Петрович Петровын шочмыжлан 120 ий теме лӱмеш бюстым шогалтыме. Тидлан Морко посёлкышто да Йошкар-Олаште эртарыме поро кумылым ончыктышо концертлаште шийвундым чумырымо. Концертлам ышташ полшышо-влаклан Мер Каҥаш ден Морко землячество кугу таум ойла. Кугу тау: — М.Шкетан лӱмеш Марий кугыжаныш …

Марий Оньыжа Анатолий Иванов Мер Каҥашын ик ияш пашажым иктешла. — Глобализаций тӱня мучко моткоч писын вияҥеш. Тудо эн ончычак касвел калык-влакым авалтен гын, ынде мемнан, шагал чотан финн-угор калык-влак декат, тудо шуын. Эше шӱдӧ ий ончыч кажне калыкын шкенжын ойыртемалтше вургемже лийын. Тудо айдемын могай калык гыч улмыжым палдарен. Эсогыл тӱрлӧ тӱр полшымо дене …