26 мартыште Мер Каҥаш вуйвер погынымаш эртен. Тӱҥ шотышто шушаш Марий форум: шошо сессийлан ямдылалтме нерген мутланеныт. Погынымашым Марий Оньыжа Анатолий Иванов вӱден. «Марий форум: шошо сессий» конференцийын да Пленум погынымашын паша радамже нерген Мер Каҥаш вуйвер исполкомым вуйлатыше Виктор Иванов каласкален. Тыгак тудо темлымаш да пунчал проект нерген ойлен коден. Тиде кечын вуйверын еҥже-влак …

27 мартыште Йошкар-Олаште Марий Элысе мер-политик рӱдерыште Мер Каҥашын Регион-влак кокласе «Марий форум: шошо сессий» конференцийже эрта. 10 шагатлан тӱҥалеш. Паша радам: 1. Россий Федерацийын калыкле политикын негызше да тудым шыҥдарыше йӧн-влак. Докладым ыштыше: Ширяева Г.С., тӱвыра, печать да калык-влак пашаш шотышто министрын алмаштышыже, «Саскавий» ОО Вуйверын еҥже 2. «Калыкле-тӱвыра автономий» шотышто 1996 ийысе 17 пеледыш 31-РФ номеран …

20 мартыште «Марий форум: шошо сессийым» ямдылыме да эртарен колтымо шотышто комиссийын погынымашыже эртен. Тудым Марий Оньыжа Анатолий Иванов вӱден. Тушто лийыныт: Марий Эл правительстве вуйлатышын алмаштышыже, тӱвыра, печать да калык-влак паша шотышто министр Михаил Васютин, Мер Каҥаш вуйверын исполкомжын, Мер Каҥашын еҥже-влак. Погынымаште форумын паша кышкаржым ончен лектыныт да Мер Каҥаш пленумышто ончышаш йодыш-влакым …

2014 ийыште Мер Каҥашын шошо сессийже молгунамсе семын апрельыште огыл, а 27-28 мартыште лиеш да Российын тӱрлӧ регионыштыжо илыше марий-влакын йодышыжлан пӧлеклалтеш. Тидын нерген палемденыт 27 февральыште Мер Каҥаш вуйверын погынымаштыже. Вуйвер погынымаште икмыняр йодышым каҥашеныт: Марий Турек районысо Мер Каҥаш активын паша лектышыже; Марий Элын районлаште марий йылмым туныктымо паша; Марий форум: шошо сессий, …

Мер Каҥашын чолга еҥже-влак Марий кундемысе школлашке лектын коштыт. Пытартыш жапыште Торъял район Кузнеч ден Марий Турек Сардаял школлаште лийыныт. Тыге 24 февральыште Сардаялыште «Марий Турек районысо школлаште марий йылме ден литературым туныктымо пашан кӱкшытшӧ» йыргешке ӱстел эртен. Йыргешке ӱстелыште Марий Оньыжа Анатолий Иванов, Мер Каҥаш вуйвер исполкомым вуйлатыше Виктор Иванов, республикысе туныктыш да шанче …

21 февральыште, Шочмо йылмын тӱнямбал кечынже, Республикысе марий тӱвыра рӱдер Российысе финн-угор студент ден аспирант-влак ассоциаций дене пырля Мутланымаш-ӱчашымаш клубым эртарен. Каҥашышаш йодышыжо: «Илышыштет – шочмо йылмет». Мутланымашке Мер Каҥаш вуйлатышын икымше алмаштышыже Валерий Мочаев, Мер Каҥаш вуйвер исполкомын еҥже-влак Алесандр Петров ден Эльвира Куклина ушненыт. Мутланымаш-ӱчашымаш клубын пашаж годым илыш дене кылдалтше ятыр кӱлешан …