Марий Мер Каҥаш лÿм дене чыландамат алал кумылын Отечествым аралыше-влакын кечышт дене саламлем!

Таче кумда элна мучко патриот кумылан пöръеҥ-влакым — шке жапыштыже Ачамландынам аралыше але салтак радамыш шогалаш ямдылалтше, тыгак ветеран да салтак-интернационалист-влакым саламлат. Сандене тиде пайрем кечын Кугу Отечественный сарын, Афганистанын да Чечнян тулан корнышт гоч эртыше да тыгодым лÿддымылык ден патырлыкым ончыктышо пöръеҥ-влаклан мланде марте вуем савем. Те, элнан эрыкшым да чапшым аралымаште чолгалык ден патриотизмым, тыгак шочмо мландынам йöратымашым ончыктышо пöръеҥ-влак, кушкын толшо самырык тукымлан курым-курымеш геройло пример лийын кодыда.

Пагалыме пöръеҥ-влак! Ончыкыжымат тыныслык верч тавадаҥ шогаш, шкенан элнам, марий кундемнам, калыкнам пагалаш, шочмо йылмынам аклаш, марий тӱвыранам, кугезе йӱланам жаплаш, а самырык тукымым патриотизм да марий шӱлышеш шуараш ўжам.

Чылаландат тынысле яндар кавам, пеҥгыде тазалыкым, кужу ӱмырым, вашла пагалымашым да пиалым тыланем.

Пайрем дене!

Марий Оньыжа
Анатолий Николаевич Иванов.